Hindi inakala ng isang PBI agent na mismong kasambahay nila ang dudukot sa kanyang anak sa loob ng kanilang bahay. Desperado siyang mailigtas ang bata kaya agad siyang nagsagawa ng rescue mission, ngunit doon niya natuklasan ang nakakakilabot na katotohanan na ang kanyang anak at iba pang mga batang dinukot ay inihahanda ng mga trafficker para sa mga kriminal sa online world.
Mula sa pagiging biktima ng kidnapping, naging inspirasyon ang masakit na nakaraan ni Isa (Kylie Padilla) nang siya ang mapiling mamuno sa Cybercrime Taskforce Firewall na dating pinamunuan ng kanyang mga magulang.
Tatanggapin kaya ni Isa ang promosyon upang pamunuan ang Cybercrime Taskforce Firewall, o ibibigay niya ito sa kanyang asawang si Martin na matagal nang naghahangad sa posisyon? Sino kaya ang tuluyang mamumuno sa taskforce?
Opisyal nang nagsimula ang unang araw ng Taskforce Firewall sa ilalim ng pamumuno ni Isa. Magiging maayos kaya ang lahat habang agad silang haharap sa kanilang unang misyon?
Ang unang misyon ng Taskforce Firewall laban sa mga online scammer ay lumala at naging mas mapanganib matapos nilang matuklasang konektado rin ito sa human trafficking.
Opisyal nang nagsimula ang misyon ng Team Firewall na pasukin ang base ng sindikato at iligtas ang mga dinukot na kababaihan. Ngunit habang nagpapatuloy ang operasyon, sunod-sunod na problema ang sumulpot na nagdulot kay Isa ng pagdududa kung siya nga ba ang nararapat mamuno sa koponan.
Tuluyang nagkagulo ang Team Firewall matapos mabigo sa maayos na pagsasagawa ng kanilang unang misyon. Makakabangon pa kaya si Isa at ang kanyang koponan mula sa malaking pagkabigong ito?
Maibabalik kaya ni Isa ang pagkakaisa ng Team Firewall? Matapos ang kaguluhang dulot ng kanilang nabigong misyon, ano kaya ang gagawin ni Isa upang maibalik ang kaayusan sa Team Firewall? Makukuha kaya niya ang respeto at tiwala nina Galo, Leila, Emma, at Jhay-jhay?
Binalot ng matinding pag-aalala si Galo nang bigla na lamang mawala si Sunshine habang nasa isang job training. Dahil wala siyang paraan upang makontak ito, napilitan siyang magsagawa ng desperadong paghahanap upang maiuwi ang kanyang kapatid.
Habang patuloy na naghahanap si Galo sa kanyang nawawalang kapatid, kumikilos na rin ang Team Firewall upang tulungan siyang mahanap si Sunshine. Mahahanap kaya nila ito bago mahuli ang lahat?
Matapos makumpirmang bihag si Sunshine ng isang mapanganib na recruitment syndicate, hindi na nag-aksaya ng oras si Galo at pinangunahan ang Team Firewall sa isang mataas ang panganib na rescue mission. Maililigtas kaya nila ang kanyang kapatid at ang iba pang mga biktima bago mahuli ang lahat?
Magagawa kaya nina Galo at ng Team Firewall na mailigtas si Sunshine at ang iba pang biktima ng human trafficking mula sa kamay ng sindikato, o magpapatuloy pa rin ang paghahari ng kasamaan?
Bagama't nabigo ang kanilang misyon na iligtas si Sunshine, hindi pa rin sumusuko ang Team Firewall sa paghahanap sa kanya. Ngayong may hawak silang isang miyembro ng sindikato, magagamit kaya nila ito upang mahanap ang nawawalang kapatid ni Galo at tuluyang mapabagsak ang sindikato?
Paano kaya tatanggapin ng mga miyembro ng Team Firewall ang nakakagulat na desisyon ni Isa na isama si Hex, isang dating miyembro ng sindikato, bilang katuwang sa kanilang grupo? Makakatulong kaya siya sa kanilang misyon o nagkamali si Isa sa kanyang desisyon?
Nagkaroon ng matinding pagtatalo sina Isa at Martin habang patuloy na naaapektuhan ng trabaho ang kanilang relasyon. Makakaapekto kaya ang kanilang personal na problema sa misyon ng Team Firewall?
Sa wakas ay natunton ng Team Firewall ang taong responsable sa panloloko kay Lola Juanita at sa pagnanakaw ng pera ng mga senior citizen sa pamamagitan ng online hacking at scam schemes. Pananagutin na kaya ang kriminal sa kanyang mga ginawa?
Habang pumapasok ang Team Firewall sa base ng sindikato upang simulan ang kanilang operasyon, bigla silang na-ambush at nalagay sa isang nakamamatay na sitwasyon. Si Hex nga kaya ang dapat sisihin sa nangyaring pag-atake?
Matapos mapabagsak ang lider ng SIM swap scam syndicate at mabawi ang perang ninakaw mula sa mga biktima, opisyal nang nakamit ng Team Firewall ang kanilang unang tagumpay. Paano kaya nila ipagdiriwang ang espesyal na tagumpay na ito?
Matapos matagumpay na masolusyunan ang kaso ng SIM swap scam, nakatakda namang harapin ng Team Firewall ang panibagong kaso ng love scam na nambibiktima ng mga taong may pinagdaraanang sakit sa pag-ibig.
Nalaman ni Galo na may bagong dayuhang nobyo ang kanyang kaibigang si Mikaela, ngunit naghinala ang Team Firewall na isa itong love scam. Makukumpirma kaya nila ang katotohanan at maaagapan si Mikaela bago siya tuluyang malinlang?
Naglunsad ang Team Firewall ng operasyon upang mahuli ang lalaking nanloko kay Mikaela sa pamamagitan ng isang love scam. Mahuhulog kaya ang suspek sa kanilang maingat na planong bitag, o makakatakas na naman siya?
Piliting itinatanggi ni Emma ang kanyang nararamdaman, ngunit hindi niya maitago ang selos dahil sa pagiging malapit ni Galo kay Mikaela. Makaaapekto kaya ang kanilang masalimuot na sitwasyon sa misyon ng Team Firewall?
Patuloy ang pagsisikap ni Emma na tulungan si Galo sa paghahanap kay Sunshine, at sa isang hindi inaasahang pangyayari, nagawa niyang makontak ito. Ito na kaya ang susi upang tuluyan na siyang matagpuan ng Team Firewall?
Matapos mapabagsak ng Team Firewall ang sindikato ng love scam, gumanti ang mga kriminal at inambush ang grupo. Dahil dito, nalagay sa kritikal na kondisyon si Emma at ngayon ay lumalaban para sa kanyang buhay. Maililigtas pa kaya siya ng Team Firewall?
Matapos ang pagkamatay ni Emma, nabalot ng lungkot at kaguluhan ang Team Firewall. Sa kabila ng kanilang pagdadalamhati, determinado silang matukoy ang utak sa likod ng mapaminsalang pag-atake at maibigay ang hustisyang nararapat para sa kanilang kasamahan.
Matapos misteryosong mapurnada ang misyon nina Galo at Jhay-Jhay, napunta ang lahat ng hinala kay Hex dahil sa kanyang kuwestiyonableng nakaraan. Siya nga ba ang traydor sa loob ng Team Firewall, o may iba pang taong kumokontrol sa lahat mula sa likod ng mga pangyayari?
Isang malaking dilemma ang haharapin ni Isa matapos pagdudahan na sina Martin at ang kanyang mga kasamahan sa Major Crimes Team na mga traydor kaugnay ng imbestigasyon ng Team Firewall. Magagawa kaya niyang paghiwalayin ang kanyang tungkulin at ang pagmamahal sa kanyang asawa?
Sa pamamagitan ng plano nina Galo at Jhay-Jhay, tuluyan nang natuklasan ng Team Firewall ang espiya ng sindikato sa loob ng PBI. Ngayong nabunyag na ang katotohanan, ano kaya ang susunod nilang gagawin?
Desperado nang makakuha ng mga sagot sina Isa at Galo kaya susubukan nilang mapapagsalita si Tito tungkol sa tunay na pinuno ng sindikato bago pa siya patahimikin ng mga kasamahan nito. Aamin na kaya siya?
Habang ipinagpapatuloy ni Hex ang kanyang imbestigasyon sa mga miyembro ng Major Crimes Team, may natuklasan siyang napakalaking sikreto na maaaring magbago sa takbo ng kanilang misyon. Ano kaya ito?
Haharapin ng Team Firewall ang isang ilegal na online cockfighting syndicate na sumira na sa buhay ng napakaraming tao at pamilya. Magtatagumpay kaya silang mapatigil ang operasyon nito bago pa madagdagan ang mga mabibiktima?
Isang nakakagulat na balita ang haharapin ni Isa tungkol sa kanyang amang si Hernan at sa nobya nitong si Stella. Paano kaya niya tatanggapin ang malaking desisyong ginawa ng dalawa?
Sinimulan ni Hex na guluhin si Martin matapos niyang ipahiwatig na alam niya ang tungkol sa lihim nitong relasyon kay Leila. Paano kaya haharapin nina Martin at Leila ang mapanganib na sitwasyong ito?
Nalaman ni Hex ang nakakagulat na katotohanan na si Leila ang ibang babae ni Martin. Isusumbong na kaya niya ang kanilang relasyon kay Isa, o makakatakas pa rin sina Martin at Leila sa mga magiging bunga ng kanilang pagtataksil?
Desperado na maitago ang kanyang relasyon kay Leila, pinaplano ni Martin na idiin si Hex bilang kasabwat ni Tito at espiya ng sindikato. Sa ganitong paraan, makukuha niya ang mga ebidensyang hawak ni Hex. Magtatagumpay kaya ang mapanganib niyang plano?
Habang naghahanda ang Team Firewall para sa isang delikadong operasyon laban sa ilegal na e-sabong syndicate, nalaman na rin ni Isa ang nakakagulat na katotohanan tungkol sa relasyon nina Martin at Leila. Magbabago kaya ang samahan ng kanilang koponan dahil sa rebelasyong ito?
Muling haharap ang Team Firewall sa isang mapanganib na misyon upang pabagsakin ang ilegal na e-sabong operation na sumira sa buhay ni Callie. Magtatagumpay kaya sila sa kabila ng matinding pagsubok na kinakaharap ni Isa?
Guguho ang mundo ni Isa habang kinakaharap niya sina Martin at Leila sa isang emosyonal na komprontasyon tungkol sa kanilang lihim na relasyon. Paano kaya niya haharapin ang matinding sakit ng pagtataksil?
Nauwi sa mas malaking krisis ang pagdadala kay Jhay-Jhay sa ospital nang atakihin ng mga hacker ang sistema ng pasilidad, dahilan upang agad kumilos ang Team Firewall. Magagawa kaya nilang mapigilan ang cyberattack bago ito magdulot ng mas maraming panganib?
Umaasa si Martin na maibalik ang nasirang relasyon nila ni Isa, ngunit mapapatawad pa kaya siya nito? Samantala, naghahanda ang Team Firewall para sa isang malaking operasyon sa ospital laban sa isang cyber threat.
Habang nakataya ang maraming buhay, nakikipagkarera sa oras sina Galo at Callie upang matunton ang hacker sa likod ng cyberattack sa ospital. Magagawa kaya ng Team Firewall na mapigilan ang salarin bago pa malagay sa panganib ang mas marami pang pasyente?
Matapos mabunyag ang hacker sa likod ng mga pag-atake sa ospital, kailangang makahanap ng paraan ang Team Firewall upang mapabagsak ito at mailigtas ang mahahalagang files ng ospital bago tuluyang mawala ang lahat.
Habang pinagdaraanan nina Isa at Martin ang kanilang paghihiwalay, naging mas kumplikado ang sitwasyon nang humingi ng tulong ang kanilang kapitbahay sa paghahanap sa nawawala nitong anak. Magiging dahilan kaya ang hindi inaasahang pangyayaring ito upang pansamantalang matigil ang kanilang paghihiwalay?
Umiinit ang tensyon sa pagitan ng Team Major Crimes at Team Firewall habang parehong ipinaglalaban ng dalawang grupo ang pamumuno sa bagong kaso ng pagdukot sa isang bata. Sino kaya ang mangunguna sa imbestigasyong ito?
Napilitang pansamantalang isantabi ng Team Firewall ang kaso ng pagdukot sa bata matapos lumitaw ang biglaang banta ng isang mass shooting sa paaralan. Magagawa kaya nilang pigilan ang trahedya bago pa mahuli ang lahat?
Nag-undercover ang Team Firewall sa isang gaming convention upang matunton ang kanilang target at wakasan ang isang mapanganib na cybercrime operation. Mahuhuli kaya nila ang utak ng operasyon bago pa ito makatakas?
Sa pamumuno ni Galo, nagsanib-puwersa ang Team Firewall at ang Major Crimes Unit upang pabagsakin ang sindikato at iligtas ang mga dinukot na bata. Ngunit habang nauubos ang oras, maililigtas kaya nila ang mga ito bago tuluyang maipagbili sa black market?
Matapos lumabis sa pagharap sa isang suspek sa kanilang nakaraang misyon, muling nilapitan ni Isa si Galo upang tulungan siyang harapin ang mga pinagdaraanan niya. Magagawa na kaya ni Galo na tuluyang mapagtagumpayan ang laban sa kanyang sarili?
Matapos ang sunod-sunod nilang matagumpay na misyon, naglaan ng oras ang Team Firewall upang magpahinga at ipagdiwang ang kaarawan ng kanilang pinakamasayahin at pinakamasiglang kasamahan, si Jhay-Jhay. Magtatagal kaya ang masayang pagdiriwang, o may panibagong misyon na namang haharapin ang grupo?
Habang mas lalong naghahanap si Hernan ng ebidensiyang mag-uugnay kay Duke sa sindikatong dumukot kay Sunshine, sa wakas ay mabubunyag ang katotohanang matagal nitong itinago. Paano kaya babaguhin ng rebelasyong ito ang lahat?
Naghahanda ang Team Firewall para sa isang high-risk undercover mission sa isang modeling event, ngunit tumanggi si Leila na bumalik hangga't hindi pumapayag si Isa sa isang mahalagang kondisyon. Papayag kaya si Isa alang-alang sa tagumpay ng kanilang misyon?
Magtutulungan sina Isa, Martin, at Leila sa isang misyon upang matukoy ang taong nasa likod ng fake resort scam. Ngunit magiging maayos kaya ang kanilang imbestigasyon, o maaapektuhan ito ng kawalan ng tiwala ni Isa dahil sa naging relasyon nina Martin at Leila?
Nagpapatuloy ang Team Firewall at Major Crimes sa pagpapanggap bilang mga modelo sa isang photo shoot bilang bahagi ng kanilang imbestigasyon upang malaman kung si Cassandra nga ba ang nasa likod ng resort scam o kung may iba pang tunay na utak ng operasyon. Mabubunyag na kaya nila ang totoong mastermind?
Sa wakas ay nabunyag ang katotohanan sa likod ng resort scam nang matukoy ng Team Firewall na si Marishka ang utak ng buong operasyon. Ngunit dahil malaya pa rin ang iba pang miyembro ng sindikato, nagmamadali ang grupo na matunton ang mga ito at panagutin sa batas.
Matapos makakuha ng mga bagong lead, nagpasya si Galo na kumilos nang mag-isa at subukang iligtas si Sunshine mula sa sindikatong nagbibihag sa kanya, kahit wala siyang pahintulot mula sa kanyang mga nakatataas. Magtatagumpay kaya siya, o lalo lamang niyang mailalagay sa panganib ang misyon?
Sa kabila ng utos ni Director Franco na umatras, itinuloy ni Isa ang isang mapanganib na misyon upang iligtas si Sunshine at tulungan si Galo sa Santara. Makakalabas kaya nang ligtas ang Team Firewall sa kanilang misyon?
Sa kabila ng utos ni Director Franco, nagtungo sina Isa at ang iba pang miyembro ng Team Firewall sa Santara upang tulungan si Galo na mahanap si Sunshine. Maghahatid kaya ang kanilang misyon ng isang mahalagang pahiwatig na makapagtuturo sa kinaroroonan ng nawawalang kapatid ni Galo?
Habang nagmamadali ang Team Firewall na mahanap si Gilbert Avisola, ang batang nakatakas mula sa sindikato, papalapit na rin ang mga kriminal sa kanya. Dahil parehong determinado ang dalawang panig na mahanap siya, mauunahan kaya ng Team Firewall ang sindikato bago nila muling makuha si Gilbert?
Matapos masugatan sa pamamaril ng sindikato, napilitang magsagawa ang Team Firewall ng isang mapanganib na rescue mission para iligtas si Sunshine nang wala si Galo. Magtatagumpay kaya silang iligtas ang kapatid ni Galo at ang iba pang bihag?
Sa paglusob ng Team Firewall sa hideout ng sindikato sa Santara, maaaring magkaroon na si Galo ng pagkakataong muling makasama si Sunshine. Ngunit maililigtas na kaya nila siya nang tuluyan?
Nagdesisyon si Stella na huwag ipapatay ang Team Firewall sa Santara at sa halip ay planong iligtas sila sa harap ng publiko. Umaasa siyang makakakuha ito ng simpatya ng mga tao at makatutulong sa kanyang tsansa sa nalalapit na eleksiyon.
Itinatago ni Sunshine kay Galo ang katotohanang si Duke ang tumulong sa kanya. Bakit kaya niya pinoprotektahan si Duke at ayaw sabihin ang katotohanan sa kanyang kapatid?
Matapos ang matagal na pagkakawalay sa kanyang pamilya dahil sa pagkakabihag ng sindikato, sa wakas ay nakauwi na si Sunshine kasama si Galo.
Habang inaalagaan ni Isa si Martin habang nagpapagaling ito mula sa mga sugat na natamo niya sa kanilang misyon sa Santara, hindi inaasahang dumating ang kanyang ina upang ipagtanggol siya at kumbinsihin si Isa na ayusin ang kanilang relasyon.
Patuloy na nahuhulog ang loob ni Sunshine kay Duke dahil sa kabutihang ipinakita nito sa kanya noon. Tila unti-unti na ring nagkakaroon si Duke ng lubos na kontrol sa kanyang mga iniisip at nararamdaman.
Iniimbestigahan ng Team Firewall ang isang bagong kaso tungkol sa sindikatong gumagamit ng mga robot vacuum upang lihim na subaybayan ang kanilang mga biktima bago pagnakawan ang kanilang mga bahay. Matutunton kaya nila ang pinagmulan ng mga device bago may isa na namang mabiktima?
Nanganganib ang buhay ni Martin matapos puntiryahin ng sindikatong iniimbestigahan ng Team Firewall ang kanilang bahay. Maililigtas kaya ni Isa ang kanyang asawa bago mahuli ang lahat?
Hinarap ng Team Firewall ang Robovac Syndicate sa isang matinding laban upang buwagin ang kanilang operasyon at protektahan ang mga inosenteng buhay mula sa kanilang mapanganib na modus.
Nang masaksihan ni Isa ang love story nina Hernan at Stella, tila naantig ang kanyang puso kaya napatawad niya si Martin at binigyan ng panibagong pagkakataon ang kanilang pagsasama.
Humingi ng tulong si Kerwin sa PBI matapos siyang sabotahehin ng isang taong naglabas ng scandal na sumira sa kanyang pangalan bilang isang aktor.
Nakatanggap ang Team Firewall ng mahalagang lead na maaaring makatulong upang matukoy ang taong nangbablackmail sa mga kabataang biktima gamit ang kanilang pribadong mga larawan at video kapalit ng pera. Matutukoy na kaya nila ang mastermind?
Kikilos ang Team Firewall upang arestuhin ang babaeng nangbablackmail sa mga lalaki kapalit ng pera. Ngunit sa kanyang pagkakaaresto, mabubunyag na kaya ang mastermind na nasa likod ng sindikatong nagpapatakbo sa buong operasyon?
Nang malagay sa panganib ang buhay ng kanyang anak, isusugal ni Zari ang lahat upang makatakas kina Galo at Callie. Magtatagumpay kaya siyang makatakas at mailigtas ang kanyang anak mula sa nakamamatay na banta ng sindikato?
Nasa mahirap na sitwasyon si Director Franco nang pagbantaan siya ni Hans, isang miyembro ng sindikato, na ibubunyag ang kanyang pinakamadilim na sikreto. Susunod kaya siya sa mga kahilingan nito?
Napunta sa matinding panganib sina Galo at Callie matapos mabigo ang kanilang rogue mission at mahulog sa kamay ng sindikatong kanilang iniimbestigahan.
Makikipagkita si Director Franco sa utak sa likod ng sindikato upang isuko si Han, isa sa kanilang mga tauhan, kapalit nina Galo, Callie, at ng kanyang kontrobersyal na video. Ngunit magiging maayos kaya ang palitan, o mauuwi ang lahat sa kaguluhan?
Sa kabila ng pakikialam ng Team Firewall, nakahanap ng paraan si Director Franco upang ituloy ang kanyang kasunduan sa sindikato. Magtatagumpay kaya ito sa pagkakataong ito?
Sa kabila ng pagpatay ni Director Franco kay Hans, isa sa mga lider ng sindikato ng sextortion scam, malayo pa sa katapusan ang kanyang mga problema. Determinado namang maghiganti si Dong Hyun, ang isa pang lider ng sindikato, kay Franco dahil sa pagpatay nito sa kanyang kapatid.
Lalong naghinala ang Team Firewall kay Director Franco, dahil kumbinsido silang may itinatago siyang sikreto na konektado sa kasong kanilang iniimbestigahan at kay Dong Hyun, ang utak sa likod ng sextortion scam syndicate.
Gumanti si Dong Hyun kay Director Franco sa pamamagitan ng pagpapalabas ng kanyang kontrobersyal na video sa 90th anniversary ng P.B.I.!
Dahil sa pagkamatay ni Director Franco, nangangailangan ang P.B.I. ng bagong lider matapos ang kaguluhang dulot ni Dong Hyun. Sino kaya ang mapipiling pumalit sa kanya?
Nagsimula si Galo sa kanyang unang araw bilang kapalit ni Isa at pinamunuan ang Team Firewall habang nagpapahinga ito. Kakayanin kaya niyang pangasiwaan nang maayos ang kanyang unang araw habang iniimbestigahan ng grupo ang isang bagong loan scam case?
Iniimbestigahan ng Team Firewall ang malawakang loan scam, ngunit naging personal ang kaso nang maging target ng mga scammer ang pamilya ni Jhay-Jhay.
Napunta sa matinding laban ang Team Firewall matapos matuklasang isang pamilya lamang ang nagpapatakbo ng loan scam na kanilang iniimbestigahan. Mapabagsak kaya nila ang pamilyang ito at tuluyang mapahinto ang kanilang mga ilegal na gawain?
Sumabak ang Team Firewall sa isang matinding manhunt matapos makatakas ang pamilya Salvacion sa isinagawang raid. Magtatagumpay kaya ang team na mahuli silang lahat at tuluyang wakasan ang panlilinlang ng pamilyang ito?
Dahil opisyal nang bumaba sa puwesto si Isa, kailangan nang maghanap ng kanyang kapalit ang P.B.I. bilang bagong chief ng Taskforce Firewall. Sino kaya ang susunod na mamumuno sa team?
Opisyal nang ginampanan ni Martin ang kanyang bagong tungkulin bilang chief ng Taskforce Firewall, bilang kapalit ni Isa. Ngunit tatanggapin kaya ng buong team ang kanilang bagong lider?
Mas naging madilim ang kaso ng pekeng beauty products nang sinapit ng biktima ang isang malagim na kapalaran. Malulutas kaya ng Team Firewall ang kaso sa kabila ng tensyon sa ilalim ng pamumuno ni Martin?
Nasusubok ang skills ni Hex dahil halos imposibleng matunton ang operasyon ng sindikato dahil sa kanilang tech expert. Magagawa kaya niyang mahanap ang mga ito bago ang nalalapit na raid?
Matapos ang pag-alis ni Isa, isa na namang miyembro ang mawawala sa Team Firewall dahil nagdesisyon si Hex na tuluyan nang umalis sa team.
Nagbalik si Raven! Matapos pabagsakin ng Team Firewall ang kanyang sindikato, bumalik siya upang harapin si Isa at makipag-ayos ng kanilang away.
Lumapit si Duke sa mahusay na hacker na si Cipher upang makuha ang kanyang scamming app na maaaring magpalakas sa kanilang operasyon. Matutuklasan kaya niya kung gaano talaga ito kalakas?
Pinuntirya ni Cipher ang isang kumpanya upang patunayan kay Duke kung gaano kalakas ang kanyang copycat AI. Ngayon, iniimbestigahan na ng Team Firewall ang kaso upang matuklasan kung sino ang nasa likod ng pag-atake. Malalaman kaya nilang sindikato ni Duke ang responsable?
Matapos matagumpay na maisagawa ang scam laban sa kumpanya ni Mr. Tan, patuloy na nadaragdagan ang mga biktima ni Cipher. Ngayon, naging panibagong target niya sina Galo at ang kaibigan ni Isa.
Matapos mabiktima sina Galo at ang kaibigan ni Isa ng Copycat AI, si Martin naman ang naging susunod na target, ngunit hindi sa kamay ng kanilang mga kalaban.
Napunta sa mapanganib na sitwasyon ang Team Firewall at ang P.B.I. matapos makompromiso ang kanilang computer systems kasunod ng pakikipaglaban ni Hex kay Cipher, ang hacker ng sindikato.
Dahil sa nakakagulat na natuklasan nina Sunshine at ng kanyang mga kaibigan sa renovation site ng paaralan, kasama ang imbestigasyon ni Isa, natuklasan ng Team Firewall na konektado ang Valor High sa sindikatong kanilang iniimbestigahan.
Sa gitna ng kaguluhan sa raid ng Team Firewall sa Valor High, sinamantala ni Martin ang sitwasyon at ipinabintang kay Galo ang pagkamatay ni Duke!
Nasa mahirap na sitwasyon ngayon si Galo matapos siyang ituro ni Martin bilang pangunahing suspek sa pagpatay kay Duke. Makakahanap kaya ang Team Firewall ng ebidensyang makapagpapatunay sa kanyang kawalang-kasalanan?
Labis na nagdadalamhati si Stella sa pagkamatay ng kanyang anak na si Duke, at punong-puno siya ng galit kay Galo, na pinaniniwalaan niyang pumatay sa kanyang anak.
