BBQ-kóngurinn Alfreð Fannar Björnsson og skemmtikrafturinn Eva Ruza mæta í eldhúsið til Evu Laufeyjar í þessum bráðskemmtilega þætti. Verkefni kvöldsins er glæsileg vanillukaka með karamellukremi, skreytt í „naked cake“ stíl. Eldhúsverkin reynast Evu Ruzu dálítið erfið og hlutirnir eiga það til að hellast niður, en það kemur þó ekki í veg fyrir að keppendur og kynnir skelli í eitt rapplag þegar Sir Mix-a-Lot ómar í tækjunum.
Það er hörð barátta í lokaþætti Blinds baksturs þegar parið Sóli Hólm og Viktoría Hermannsdóttir mætast við bökunarborðið. Verkefnið er glæsileg súkkulaðikaka skreytt með smjörkremsrósum. Á meðan Viktoría glímir við sprautupokann í fyrsta sinn, geislar Sóli af sjálfstrausti og íhugar jafnvel að baka sína eigin brúðartertu. Úrslitin koma báðum keppendum algjörlega í opna skjöldu í þessum spennandi lokaþætti.