Njáll er að missa stjórn á fjármálum heimilisins og á erfitt með að halda öllum boltum á lofti meðan Begga, konan hans, jafnar sig af kulnun. Á aukavakt, sem hann tekur að sér ásamt Hólmari sögukennara, fær hann klikkaða hugmynd.
Njáll og Hólmar gera sér grein fyrir að þeir þurfa liðstyrk til að ráða við nemendur skólans. Þeir reyna að sannfæra nýja íþróttakennarann Bonní, fyrrverandi vonarstjörnu Íslands í knattspyrnu, að ganga í lið með sér.
Gengið er fullmannað og þau reyna að komast yfir lykilkort að öllum skólanum. Helsta sóknarfærið virðist búa í goðsagnakenndum bumbubolta í skólanum.
Í kjölfar aukinnar öryggisgæslu í skólanum koma brestir í samstarfið og öll von virðist úti. Smáglæpakvendið Skonsa gæti hins vegar hrist upp í hlutunum.
Stærsta ball ársins, Nemóballið, er í kvöld og gengið ætlar að láta slag standa… eða að minnsta kosti flest þeirra.
Gengið flækist í töluvert hættulegri atburðarás en þau gátu mögulega séð fyrir sér.