நாற்பத்திரண்டு ஆண்டு மண வாழ்க்கைக்குப் பிறகு வந்த ஒரு விவாகரத்து நோட்டீஸ், குடும்பக் கொண்டாட்டத்தைச் சிதறடிக்கிறது. பிரிவைச் சரிசெய்ய மேற்கொண்ட கோயில் பயணத்தில் தம்பதியர் ஒரு குகைக்குள் விழுகிறார்கள்... இருவரும் கற்பனைகூடச் செய்திராத ஒரு விதி அவர்களுக்காகக் காத்திருக்கிறது.
இருபது வயதுக்குத் திரும்பிய கண்ணனும் மஞ்சுளாவும் கடத்தல்காரர்களாகத் தேடப்படுகிறார்கள். எதுவும் அறியாத தங்கள் குடும்பத்துடன் ஒரே ஹோட்டலில் தங்கியிருக்கும் அவர்கள், எல்லோரும் தங்களையே தேடிக்கொண்டிருக்கும்போது உண்மையை மறைக்க முடியுமா?
பிரியாணி, பைக் சவாரி, மீண்டும் கிடைத்த இளமை. பழைய காயங்களை ஆற்ற மாயாஜாலத்தை நம்பலாமா? பிரிந்து வாழும் மகன் விக்னேஷுக்காக மஞ்சுளா ஏங்குகிறார்; கண்ணனின் கடந்த காலத்திலிருந்து ஒருவர் மீண்டும் தோன்றுகிறார்.
குஞ்சி, தங்கம்மா என்ற பெயர்களில் தீபிகாவின் சட்டக் கல்லூரியில் சேரும் தம்பதியர், தங்கள் மாயாஜாலம் எப்படிச் செயல்படுகிறது என்பதைக் கண்டுபிடிக்கிறார்கள். புதிய உறவுகள் மலர்கின்றன; ஆனால் ஒரு பழைய காதல் அவர்களின் இரண்டாவது வாய்ப்பைச் சிக்கலாக்குகிறது.
குருஜிக்கும் மீராவுக்கும் கண்ணனுடன் இருந்த கடந்த காலம் மீண்டும் வெளிப்படுகிறது. ரவுடிகள், கடன், மர்மமான சொத்து... இந்தக் குடும்பம் இன்னும் எதையெல்லாம் மறைத்து வைத்திருக்கிறது?
மாயாஜாலத்தில் ஏதோ கோளாறு இருப்பதைத் தம்பதியர் உணர்கிறார்கள். இதற்கிடையில் கண்ணனுக்கு ஒரு இன்டர்ன்ஷிப் கிடைக்கிறது, மஞ்சுளா விக்னேஷுடன் நெருக்கமாகிறார்; ஒரு பை நிறையப் பணம் அவர்களின் விவாகரத்துச் சண்டையை மீண்டும் மூட்டுகிறது.
கண்ணனுக்குப் புற்றுநோய் இருப்பது கௌதமுக்குத் தெரியவருகிறது. குருஜியின் சடங்குக்கு மீரா உதவும் வேளையில், தடுமாறும் மாயாஜாலத்தைச் சமாளித்தபடியே சுந்தரபுரம் விழாவையும் நீதிமன்ற வழக்கையும் கண்ணனும் மஞ்சுளாவும் ஒருசேரக் கையாள வேண்டியிருக்கிறது.
ரகசியம் அம்பலமான நிலையில், தங்கள் வாழ்க்கையையே என்றென்றைக்குமாக மாற்றக்கூடிய ஒரு முடிவைக் கண்ணனும் மஞ்சுளாவும் எதிர்கொள்கிறார்கள். சடங்கு நெருங்கும் வேளையில், இருவரும் மீண்டும் ஒருவரையொருவர் சேர வழி காண்பார்களா?