მეტროს მატარებლის ავარიის შემდეგ გუგა გონს მოდის და აღმოაჩენს, რომ მის ირგვლივ მხოლოდ მკდრები ან ზომბების მსგავსი არსებები არიან. ის ცდილობს თავი დააღწიოს აქაურობას და ამასობაში კიდევ ერთ გადარჩენილს, ელენეს გადაეყრება. ისინი ერთად განაგრძობენ ბრძოლას გადარჩენისთვის.
გუგა და ელენე წყალტუბოში აპირებენ წასვლას, სადაც ელენეს შვილის, ანას ექსკურსია იყო დაგეგმილი. მათ დახმარებას სამხედრო ბაზიდანაც სთავაზობენ.
სანატორიუმი ამჟამად ზომბებისგან გამოქცეული ადამიანების თავშესაფრადაა ქცეული. გუგა, ელენე და მათი თანამგზავრები აქ ერთი ღამით დარჩენას და დილიდან ძებნის გაგრძელებას აპირებენ. თუმცა, ეს ადგილი შეიძლება არც ისე უსაფრთხო აღმოჩნდეს, როგორც ერთი შეხედით ჩანს.
სანამ ელენე და მისი მეგობრები ანას ეძებენ მღვიმეში, სანატორიუმში სიტუაცია იძაბება. დათო რაღაც მნიშვნელოვანს მალავს შენობის ბინადრებისგან.
თბილისისკენ მომავალი ჯგუფი საიდუმლო გვირაბს ეძებს, სადაც ლევანის აზრით ერთი ღამით თავის შეფარება შეიძლება. თუმცა, როგორც ჩანს, უსაფრთხო ადგილები ქვეყანაში უკვე აღარ არსებობს: ისინი აქაც გადაეყრებიან ზომბებს.