Celia recibe unha visita moi especial: o doutor Albelos. Toda unha eminencia que foi profesor da médica... e se cadra algo máis. Será o pai que Noa leva tanto tempo buscando? Grazas ás súas artimañas Mónica por fin cumpriu o seu desexo de conseguir o ascenso. A tranquilidade non lle vai durar moito porque o novo portavoz da cooperativa é alguén co que non contaba en absoluto. E non llo vai poñer nada fácil. Mentres tanto, Dimas ten unha nova idea de negocio, cousa que a Elba e a Teresa non lles chista moito tendo en conta os seus precedentes.