Gestir þáttarins að þessu sinni voru þau Matthías Tryggvi Haraldson sviðslistamaður og meðlimur hljómsveitarinnar Hatari, Sóley Tómasdóttir fyrrum borgarfulltrúi og Kristín Jónsdóttir jarðeðlisfræðingur. Gísli Marteinn fór yfir Fréttir Vikunnar og Berglind Pétursdóttir fjallaði um gönguskíðaæðið sem tröllríður landanum um þessar mundir. Tónlist kvöldsins var ekki af lakari endanum en Bubbi, Bríet og GDRN fluttu lagið Ástrós ásamt hljómsveit Guðmundar Óskars og kammerkór Aurora.