Os labregos de Santalla, animados por Manuel Cabanas, deciden formar unha cooperativa para que o cacique, don Román, deixe de ser o intermediario na venda de leite e conseguir así un prezo xusto.
Os labregos, con Manuel Cabanas ó fronte, conseguen formar a cooperativa, pero don Román déixaos sen transporte.
Freire, ás costas de don Román, planea montar unha explotación mineira en Santalla e ofrécelle a Manuel ser o encargado.
Don Román sospeita que Freire agocha algo no monte e manda a Álvaro, seu criado, investigar. Álvaro atopa un cartón de tabaco rubio de contrabando.
O alcalde recibe unha chamada do gobernador que lle avisa de que Franco vai pasar por Santalla. As ordes son concretas: ninguén debe sabelo.
Freire segue adiante co seu proxecto da mina e coméntalle a Manuel que, xa confirmado que hai mineral en Santalla, vai solicitar a concesión para explotalo.
Manuel tenta convencer a Cosme para comprar un tractor despois de que lle concederan o Crédito Agrario e facer medra-lo seu negocio e axudar ós seus veciños. Isto provoca a ira de D. Román, que ve ameazado o seu poder sobre os campesiños de Santalla.
Chega a modernidade a casa dos Cabana, suscitando curiosidade e diferentes puntos de vista entre os integrantes da familia.
Freire é inculpado polo contrabando de tabaco. A Garda Civil reteno en presenza de tódolos seus veciños. Román síntese máis que satisfeito ó ver ó seu peor inimigo, lonxe de tódolos seus plans.
En Santalla vaise celebrar unha festa onde se escollerá á Miss do pobo. Marisiña máis María rivalizan por facerse co título de raíña das festas co desinteresado apoio de Deli, que lles da unha monumental sorpresa.
Manuel e Cosme disfrutan vendo como prospera seu negocio de leite.
Manuel está moi preocupado polas molestias que Sara está padecendo no seu sétimo mes de embarazo. Manuel irrompe no despacho de Román tras enterarse de que Álvaro envelenara as súas vacas. Román despide a Álvaro por deixarse descubrir.
Manuel chega á escola de Santalla en auxilio de Laura, e para súa sorpresa a quen atopa é a don Román abatido por un tiro. Isto fai que chegue tarde a coñecer ó novo integrante da familia: Lolo.
Despois de dous meses, Santalla semella volver á normalidade, pero algunhas novidades cambiarán o curso da vida dos veciños da vila.
Don Venancio está empeñado en mercar un campanario para a igrexa de Santalla. Para conseguir os cartos, idea un plan no que Elías terá moito que ver. Trátase dun milagre no que ofusca a vontade dos cidadáns de Santalla, quen confiados, apresúranse a colaborar albergando falsas esperanzas.
Don Román preséntase na casa de Freire por temor a que éste delate a súa falsa cegueira. Tenta chegar a un acordo do que supostamente ambos podan saír beneficiados, aínda que de xeito diferente.
En Santalla, Senén vai ter problemas porque perde a confianza do gobernador, estase a sofrir as consecuencias dunha praga de piollos, mentres que as discrepancias entre don Román e Laura, son cada día máis notorias, aínda que o disimulen.
O pobo convulsiona por Senén, que cesa como alcalde; as especulacións sobre o seu sucesor son constantes na vila. Álvaro insinúase a Adela, con gran disgusto desta.
Por fín Freire pode contemplar con ledicia o comezo das obras da mina, pero pronto se deixa ver a sombra de Román estragando tódolos seus plans.
Marisiña dí que víu a súa irmá difunta e ninguén a cre. Don Venancio acaba por pensar que está posuída e tenta facerlle un exorcismo. Pero non todos teñen tempo para as visións na familia dos Cabanas; Manuel ten fortes débedas e aínda que Ramiro parece dar coa solución, montar unha fonda, as malas formas de Román, acaban por facer que Manuel teña que ir a traballar á cidade.
Tomás chega a Santalla. Ven coa intención de axudarlle a Freire co asunto da mina, a cambio de que o acepte na súa casa, pero de ser así, Adela regresaría a Caracas. Tomás acaba por negociar con Román e as cousas aínda se complican máis cando Adela o confunde con outra persoa e se namora perdidamente del.
Os Cabanas e os demais labregos non lle queren vender as terras a D. Román porque as paga a moi baixo prezo e o cacique intimídaos por medio de Álvaro. Cando Tomás se entera das mañas que se gasta Román, dalle a volta as cousas e agora o negocio da mina semella estar do lado de Freire.
Os Cabanas están alborotados por mor da volta de Manuel. As negociacións da mina entre Freire máis Tomás non chegan a bo porto. Román volve a sacar tallada da situación e inicia as expropiacións. Os labregos, que se senten indignados e enganados responden apedreando a Tomás. Pero Román segue adiante e as máquinas chegan ó monte, onde tódolos labregos, comandados por Manuel, lle plantarán cara ó cacique.
Manuel, Elías e Pancho están presos pola revolta do monte da mina. En casa dos Cabanas todos están moi preocupados por eles. Sen embargo, os detidos só lles importa atopar o xeito de poder escoitar a final da copa de Europa na que xoga o Madrid.
Manuel, Ramiro e Pancho por fín van a sair do cárcere, pero antes María e Marisiña poñen a proba ós seus mozos enviándolles unhas cartas para citarse coma se fosen admiradoras deles. Ó final quedan bastante chafadas cando Elías e Pancho, acodan ás respectivas citas.
Marcos marcha á mili, a marcha de María a Santiago é inminente e Ramiro pensa en ir cos Satélites.
Román deixa bigote e preocúpase en exceso do seu aspecto o que incrementa as sospeitas de Laura, que pensa que volve ás andadas.
Cando mellor ía o negocio do almacén, Román fai das súas subíndolles os impostos.
Os Cabana van celebrala matanza e un dos porcos o criara Marisiña coma un fillo, polo que a xove non pode co disgusto, por riba o matachín será Elías. Con motivo do festexo, María chega de Santiago e trae con ela a Pili, a súa "refinada e moderna" compañeira de habitación.
Chega a Santalla, don Ricardo, o mestre substituto de dona Laura, e causa un gran malestar polos seus métodos de aprendizaxe antipedagóxicos, aplica castigos físicos.
Adela causa unha gran sensación en Santalla onde por primeira vez ven unha muller en pantalóns. Marisiña empéñase en usalos, a pesar da oposición de Elías. Tamén Lupe, Sara e Deli decídense, o que lles causa algún ca outro problema con seus respectivos homes.
Cando Elvira consegue botar da súa casa a Lupe, ésta coas súas artimañas fai que Laura, inxenuamente, a invite a quedar na súa. Non contenta con isto, Lupe, dalle a idea a Román de que ingrese a Laura nun hospital, coa excusa de estar máis tempo xuntos, ela mesma encargarase de convencela.